Sumqayıtın ictimai həyatında xüsusi yeri olan Ramiz Mustafayevin anım günüdür.
Ramiz Mustafayev 11 fevral 1945-ci ildə Qubada ziyalı ailəsində anadan olub. O, 1961-ci ildən taleyini Sumqayıtla bağlayıb. Uzun illər Həmkarlar İttifaqı təşkilatlarında çalışıb, əmək adamlarının hüquqlarının qorunmasında, onların sosial-məişət məsələlərinin həllində prinsipial mövqedə durub.
Ramiz Mustafayev uşaq ikən atası ümumilli lider Heydər Əliyevlə işləyib. O, anasının hazırladığı yemək boxçasını iş yerində onlara çatdırır, Heydər Əliyev isə onun başına sığal çəkərdi.
Gənc yaşlarında Ramiz Mustafayev Bakı Energetika texnikumunda oxumuş, sonra isə 20 ilə yaxın "Domnatəmir" idarəsində işləmiş, bir müddət sonra rəisin müavini vəzifəsinə yüksəlmişdir. O, bir təhsil ilə kifayətlənməyərək Moskva Həmkarlar İttifaqı Akademiyasına qəbul edilmişdi.
1982-1984-cü illərdə Sumqayıt şəhər Məişət Xidməti İdarəsinin direktoru olmuş, Şəhər Sovetinə deputat seçilmişdi. Əmək fəaliyyəti Kompressorlar zavodu ilə sıx bağlı olan Ramiz Mustafayev 25 il müddətinə HİK-nın sədri vəzifəsində çalışıb.
Ramiz Mustafayev 2008-ci ilin noyabrından Sumqayıt Lift Servis Birliyinin HİK-nın sədri vəzifəsində işləyib. Həmçinin dövlət səviyyəli tədbirlərdə çıxış edib, saysız diplom və medallarla təltif olunub. Son olaraq isə 2018-ci ildə Prezident İlham Əliyevin Sərəncamı ilə "Tərəqqi" medalına layiq görülüb.
Ramiz Mustafayev 2022-ci ilin 11 iyul tarixində 77 yaşında ikən dünyasını dəyişib.
Nəvələri Günel Mustafayeva və Ramiz Mustafayev babalarını çox sevir və ona dərin rəhmət diləyirlər. [modula id="39024"]
