Fransa Senatının ölkəmizə qarşı irəli sürdüyü qətnamə əleyhinə artıq 100.000 nəfər səs verib!
Ermənipərəst qüvvələr Azərbaycanı sanksiyalarla susdurmaq istəyir. Lakin, xalqımızın tərəfini tutan Türkiyə, İran, Qazaxıstan, İsrail, Özbəkistan və Qırğızıstanda yaşayan xeyli sayda həmfikirlərimiz bunun qarşısını almaq üçün həmrəylik nümayiş etdirdilər.
Onlar, 10 vətəndaşımız tərəfindən Fransanın Mesopinions.com saytında yerləşdirilən petisiyaya öz imzalarını ataraq öz dəstəklərini göstəriblər.
Azərbaycan, Türkiyə, Almaniya, Rusiya, Qazaxıstan, Qırğızıstan, eləcə də Moldovada yerləşən Fransa səfirliklərinin önündə dəstəkçilərimiz tərəfindən dinc aksiyalar keçirilib. Bu və bir çox digər ölkələrin KİV-ləri, məşhur şəxslər və blogerlər petisiya barədə məlumatın yayılmasında köməklik ediblər.
Qeyd edək ki, qətnaməyə noyabrın 15-də baxılacaq. Ermənilər də öz növbəsində həmin gün Senat binasının önündə mitinq keçirmək istəyirlər.
Hər kəsi həmrəy olmağa dəvət edirik. Müraciətin daha çox insan tərəfindən imzalanması və yayılması üçün imzalayaq və paylaşaq.
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Petisiyanın fars dilində imzalanma qaydası
Petisiyanın ingilis dilində imzalanma qaydası
Petisiyanın qazax dilində imzalanma qaydası
Petisiyanın özbək dilində imzalanma qaydası
#BizAzərbaycanıq #AzərbaycanıQoruyaq
