Yenilənib saat: 16:37
AZAL-a məxsus sərnişin təyyarəsinin Qazaxıstanın Aktau şəhəri yaxınlığında dekabrın 25-də qəzaya uğraması nəticəsində həlak olan 1996-cı il təvəllüdlü Ramin Ağayevlə Sumqayıt şəhərində keçirilən vida mərasimi başa çatıb.
Sumqayit24.az-ın məlumatına görə, onun nəşi Sumqayıt şəhəri Hacı Zeynalabdin qəsəbə qəbiristanlığında dəfn olunub.
Dəfn mərasimində R.Ağayevin doğmaları, rəsmi şəxsləri, hüquq-mühafizə orqanlarının rəhbərləri, idarə, müəssisələrin əməkdaşları, ictimaiyyət nümayəndələri iştirak ediblər.
***
Saat 16:02
AZAL-a məxsus sərnişin təyyarəsinin qəzaya düşməsi nəticəsində halak olan Ramin Ağayevin nəşi Sumqayıt şəhərinə gətirilib.
Sumqayit24.az-ın məlumatına görə, 1996-cı il təvəllüdlü Raminin nəşi ailəsinə təhvil verilib. Hazırda onunla vida mərasimi keçirilir.
Xatırladaq ki, dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb.
Qeyd edək ki, Rusiya vətəndaşı olan R. Ağayev “Ural Hava Yolları”nın bələdçisi idi.
View this post on Instagram
