Saray qəsəbə sakinləri saatlarla yollarda qalmalı olurlar.
Sumqayit24.az-a müraciət edən vətəndaşlar, “20 Yanvar” metro stansiyası ərazisindən qəsəbəyə getməkdə çətinlik çəkdiklərini bildiriblər.
“Bakı-Sumqayıt istiqamətində 594 nömrəli ekspres avtobus marşrutu istifadəyə verilib. Çox rahat və sərfəli nəqliyyat vasitələridir, di gəl ki Saraydan keçmir. Evimizə çatmaq üçün məcburən yolüstü tanımadığımız adamların avtomobillərinə minirik.
Həmçinin yeni marşrutun açılması ilə əlaqədar mikroavtobusların 20 Yanvar-Sumqayıt istiqamətində hərəkəti məhdudlaşıb. Bu da Saray sakinləri, eləcə də bu qəsəbədən keçərək Sumqayıta gedən insanlar üçün problemlər yaradır”.
Saray sakinləri qəsəbələrinə ayrıca, yeni marşrut xəttinin açılmasını və ya 594 nömrəli avtobusların bir hissəsinin buradan da keçməsini arzulayır.
