Avtobusların konkret fəaliyyət saatının olmaması insanlarda çaşqınlıq yaradır.
Bununla yanaşı, gec saatlarda bu nəqliyyat vasitəsindən istifadənin mümkünsüzlüyü istər şəhərdə, istərsə də qəsəbələrə gedən marşrutlarda müəyyən problemlər yaradır.
Azərbaycan Yerüstü Nəqliyyat Agentliyindən (AYNA) Modern-ə verilən məlumata görə, avtobusların işi hərəkət intervalına uyğun olaraq tənzimlənir.
Avtobusların iş saatı, sayı və hərəkət cədvəli sərnişin tələbatına əsasən müəyyən olunur. Avtobus marşrutlarının iş saatı 05:30-06:00-dan başlayır, bəzi ərazilərdə 21:00-da, bəzilərində 22:30-da, bəzilərində isə 23:00-23:30-a qədər davam edir.
Onu da qeyd edək ki, sərnişinlər qarşılaşdıqları problemlərlə bağlı AYNA-nın “141” Çağrı Mərkəzi və ya sosial şəbəkə hesabları vasitəsilə quruma müraciət edə bilərlər.
