Avtobuslarda qiymət artımı ilə bağlı rəsmi açıqlama verilib. Bu barədə 8 fevral tarixində Sumqayıt24 xəbər verir.
Xəbər verdiyimiz kimi, Tarif Şurası ictimai nəqliyyatda gediş haqlarını 10 qəpik qaldırıb. Sumqayıtın bəzi marşrutlarında ( 3, 9, 12 və 30 nömrəli) isə tarif süni şəkildə 20 qəpik artırılmışdı. Sakinlər bu vəziyyətdən narahat və narazı idilər.
Sumqayıt Şəhər İcra Hakimiyyətindən məsələ ilə bağlı redaksiyamıza bildirilib ki:
“Sumqayıt şəhəri ərazisində bütün marşrutlarda qiymət 40 qəpik müəyyən olunub. Yalnız 3 nömrəli marşrut xəttində məsafənin uzunluğu və şəhərətrafı olması nəzərə alınaraq, 50 qəpik səviyyəsində müəyyən edilib. Sui-istifadə hallarına yol verilməməsi məqsədilə aidiyyətı qurumlar tərəfindən marşrut xətlərində məlumatlandırma işləri aparılır, süni qiymət artımına yol verməmələri barədə xəbərdarlıq edilir”.
