Yenilənib saat: 12:52
Qazaxıstanda təyyarənin qəzaya uğraması nəticəsində sağ qalanların sayı 28 nəfərə çatıb, onlardan ikisi uşaqdır.
Sumqayit24.az xəbər verir ki, bu barədə Qazaxıstan FHN məlumat yayıb.
Manqistau vilayətinin Səhiyyə İdarəsindən “Kazinform”a bildirilib ki, hadisə yerində 4 nəfərin cəsədi aşkar edilib.
***
Yenilənib saat: 12:04
AZAL-a məxsus təyyarənin Aktauda qəzaya uğradığı ərazidən 12 nəfər müxtəlif xəsarətlərlə Manqistau vilayət xəstəxanasına çatdırılıb.
14 nəfərdən 5-i reanimasiya şöbəsinə yerləşdirilib. Yaralıların arasında 11 və 16 yaşlı yeniyetmələr də var.
***
Yenilənib saat: 11:44
Qazaxıstan Səhiyyə Nazirliyi xəsarət alan 12 nəfərin xəstəxanaya çatdırıldığını bildirib.
***
Yenilənib saat: 11:40
"AZAL" rəsmi məlumat yayıb:
"Göyərtədə 62 sərnişin, 5 ekipaj üzvü olmaqla, ümumilikdə 67 nəfər olub. Sərnişinlər arasında uşaqlar olmayıb, zərərçəkənlər barədə məlumat tezliklə təqdim ediləcək. Məlumata görə sağ qalanlar var, onlara ilkin tibbi yardım göstərilir.
Qazaxıstan tərəfi ilə təmaslar həyata keçirilir və hadisə yerində Qazaxıstanın fövqəladə xilasetmə qurumları tərəfindən lazımi operativ zəruri dəstək göstərilir".
***
Yenilənib saat: 11:31
Sumqayit24.az Qazaxıstan KİV-ə istinadən xəbər verir ki, “Azərbaycan Hava Yolları” aviaşirkətinə məxsus təyyarənin qəzaya uğramasından sonra 10 nəfər sağ qalıb.
***
Saat 11:16
Azərbaycana məxsus təyyarə qəzaya uğrayıb.
Sumqayit24.az xəbər verir ki, “Azərbaycan Hava Yolları” aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Qazaxıstanın Aktau şəhərinin 3 km yaxınlığında qəza enişi edib.
İlkin məlumata görə hava gəmisi quş sürüsü ilə toqquşub. Hadisə zamanı təyyarədə 67 sərnişin, 5 ekipaj üzvünün olduğu bildirilir.
Qəza yerinə Qazaxıstan FHN-inin 52 nəfər şəxsi heyəti və 11 texnikası gəlib.
View this post on Instagram
