Bu gün Azərbaycan Respublikasının Dövlət Bayrağı Günüdür.
Prezident İlham Əliyevin 17 noyabr 2009-cu il tarixli Sərəncamına əsasən, hər il 9 Noyabr Azərbaycanda Dövlət Bayrağı Günü kimi qeyd edilir.
Azərbaycan Respublikasının Dövlət Bayrağı bərabər enli üç üfüqi zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir. Mavi rəng – Azərbaycan xalqının türk mənşəli olmasını, qırmızı rəng – müasir cəmiyyət qurmaq, demokratiyanı inkişaf etdirmək istəyini, yaşıl rəng isə İslam sivilizasiyasına mənsubluğunu ifadə edir. Qırmızı zolağın ortasında bayrağın hər iki üzündə ağ rəngli aypara ilə səkkizguşəli ulduz təsvir edilib.
Dünyanın ən uca bayrağı Bakıda, Dövlət Bayrağı Meydanında dalğalanan Azərbaycan bayrağıdır. Dövlət Bayrağı Meydanının açılışı və Dövlət Bayrağının təntənəli qaldırılması 2010-cu ilin sentyabrın 1-də Prezidenti İlham Əliyev tərəfindən həyata keçirilib.
Dövlət bayrağı günü ölkədə qeyri-iş günü olan bayramların siyahısına daxil edilib.
Bayramınız mübarək!
