Ötən ildə ölkədə fəaliyyət göstərən dövlət və özəl bağçalarda xəstələnən uşaqların sayı və səbəbləri məlum olub.
Modern.az xəbər verir ki, həmin il bağçalarda 51.007 xəstələnmə faktı qeydə alınıb.
Onlardan 49.641-i dövlət, 1366-sı isə özəl bağçalara gedən uşaqlardır. Uşaqlar əsasən qrip və yuxarı tənəffüs yollarının kəskin infeksiyası səbəbindən xəstələniblər. Bu səbəbdən xəstələnən uşaqların ümumi sayı 29.896 nəfərdir. Onların 24.493 nəfəri üç və yuxarı yaşda olan uşaqlardır. Angina (kəskin tonzilit) səbəbindən il ərzində 15.192 uşaq xəstələnib.
Bədbəxt hadisə, zəhərlənmə və zədələr səbəbindən xəsarət alan uşaqların sayı 51 olub.
Pnevmaniya (sətəlcəm, ağciyər xəstəliyinin iltihab xəstəliyi) səbəbindən 204 nəfər, bakterial dizenteriyadan (parazit infeksiyası) 154 uşaq xəstələnib ki, burada əsas pay dövlət bağçalarının üzərinə düşür. Skarlatina infeksiya xəstəliyi səbəbindən ümumilikdə 495 uşaq xəstələnib. Ötən il 5095 uşaq isə digər səbəblərdən xəstələnib.
