"Bakcell" şirkəti sumqayıtlı paralimpiya mükafatçısı və Avropa çempionu Kərim Sərdarovu məhkəməyə verib.
Prosport.az-ın xəbərinə görə, ölkənin aparıcı mobil operatorlarından olan şirkət 50 yaşlı sabiq cüdoçunu müqavilə öhdəliklərini yerinə yetirməməkdə ittiham edir.
İcraata Sumqayıt Kommersiya Məhkəməsində hakim Həlimə Alıyevanın sədrliyi ilə baxılacaq
Qeyd edək ki, Kərim Sərdarov 2008 və 2012-ci il Paralimpiya Oyunlarında ölkəmizi təmsil edib. O, 2008-ci ildə Çinin paytaxtı Pekində keçirilmiş Paralimpiya Oyunlarında gümüş medalçı olub. Həmçinin 2009-cu ildə Avropa çempionu adına yiyələnib və 2005, 2011-ci ildə qitə çempionatının bürünc medalını qazanıb.
Ölkə başçısı İlham Əliyev tərəfindən "Tərəqqi" medalına layiq görülüb. 2019-cu ildə isə ölkə başçısı ona mənzil bağışlayıb.
