Bakı-Sumqayıt ekspres avtobuslarının gecikmə səbəbi açıqlanıb.
Sumqayit24.az-a "Baku Bus" MMC-dən verilən məlumata görə, avtobuslar yağışlı hava şəraiti səbəbindən aşağı sürətlə hərəkət edib. Bu da intervalın müvəqqəti olaraq uzanmasına səbəb olub.
"Bakı-Sumqayıt ekspres marşrut xətti üzrə fəaliyyət göstərən 15 "Neoplan" markalı avtobus hazırda öz təyin olunmuş qrafikinə uyğun şəkildə fəaliyyət göstərir. Avtobuslar normal saatlarda 10-11, pik saatlarda 7-8 dəqiqə intervalla hərəkət edir və avtobusların sayında hər hansı azalma qeydə alınmayıb.
Sərnişinlərimizdən bu vəziyyəti anlayışla qarşılamalarını xahiş edir, yaranan narahatlığa görə bütün sərnişinlərimizdən üzr istəyirik", - deyə məlumatda qeyd olunur.
