Yenilənib saat: 09:43
Bu gün səhər saatlarında Sumqayıt-Bakı elektrik qatarında yaranan gecikmənin səbəbi məlum olub.
Bu barədə Sumqayıt24-ə açıqlama verən Azərbaycan Dəmir Yolları" QSC-nin İctimaiyyətlə əlaqələr şöbəsinin müdiri Sənubər Nəzərova deyib:
“Cərəyanın verilməsində yaranmış texniki nasazlığa görə qatarın qrafikdən qismən kənara çıxması baş verib”.
***
Saat: 09:11
Bu gün səhər saatlarında Sumqayıtdan Bakıya gələn elektrik qatarında texniki nasazlıq qeydə alınıb.
Oxu.az-ın məlumatına görə, saat 06:50-də Sumqayıt Dəmiryol Stansiyasından hərəkətə başlayan qatar saat 07:42-də son ünvana çatmalı idi.
Lakin qatar Zabrat-2 və Zabrat-1 stansiyaları arasında dayanaraq ləngiyib. Maşinist sərnişinlərə qatarda texniki nasazlığın olduğunu bildirib.
Nəticədə elektrik qatarı bir saat gecikmə ilə, saat 08:42-də Bakı Dəmiryol Stansiyasına yetişib.
