Yolun hərəkət hissəsində düzgün yerləşməyən sürücülər tıxaca səbəb olurlar.
“Avtosfer.az”ın məlumatına görə, söhbət Bakı-Sumqayıt yolundan gedir. Belə ki, yolun Sumqayıt istiqamətində olan hissəsində hərəkət edən sürücülər Biləcəri qəsəbəsinə getmək üçün düzgün zolaqda yerləşmirlər. Sağ zolaqda sıxlıq olduğunu görən sürücülər sol zolaqlardan sağa dönürlər. Bu zaman düzünə gedən nəqliyyat axınının qarşısını kəsərək tıxaca səbəb olurlar.
Həmin kəsişmədə hər gün yüzlərlə sürücü bu qayda pozuntusuna yol verir.
