Mərkəzi Uşaq Kitabxanasında “Sən yurduma yaraşıqsan, Azərbaycan bayrağı” adlı tədbir keçirilib. Sumqayıt24 bu barədə 9 noyabr tarixində Sumqayıt MUK-ya istinadən xəbər verir.
Dövlət Bayrağı Günü münasibətilə təşkil olunan tədbirdə “Panda School” tədris mərkəzinin məktəbəqədər yaş qrupunun müəllim və valideynləri iştirak ediblər.
Yığıncaq balacaların ifasında Dövlət Himninin ifası ilə başlayıb. Çıxış edən kitabxana mütəxəssisi Leyla Mahmudova iştirakçıları bu tarixi gün münasibətilə təbrik edib, Azərbaycan dövlətinin müstəqilliyini təcəssüm etdirən gerbimiz, himnimiz, bayrağımız, bayraq üzərindəki rənglərin anlamları haqqında məlumat verib.
Tədbir balaca fidanların ifasında millətin azadlıq rəmzi, vətənin simvolu olan üçrəngli bayrağımıza həsr edilən maraqlı kompozisiyalar, şeir nümunələri ilə davam edib.
