Sumqayıtla bağlı film Fransada nümayiş edilib. Bu haqda 26 yanvar tarixində Apa.az-a istinadən xəbər veririk.
Rejissor Mətləb Muxtarovun 12/35” sənədli filmi FIPADOC Beynəlxalq Sənədli Film Festivalına qatılıb. O, Azərbaycanın bu festivalda ilk dəfə iştirak etdiyini vurğulayıb:
“Mənim filmim Sumqayıtda keçmiş sakinlərin xatirələri əsasında ərsəyə gəlib. Orada, 12/35 saylı binada yaşayan, Sovet Azərbaycanı ilə postsovet Azərbaycanı arasında qalmış bir nəslin taleyini əks etdirir”.
Xatırladaq ki, “12/35” sənədli filmi ötən il Azərbaycanda keçirilən “DokuBaku” Beynəlxalq Sənədli Film Festivalında “Ən yaxşı yerli qısametrajlı sənədli film” seçilib.
