Bu gün Azərbaycan Respublikasının Birinci vitse-prezidenti Mehriban Əliyevanın doğum günüdür.
Mehriban Arif qızı Əliyeva 26 avqust 1964-cü ildə Bakıda anadan olub. 1982-ci ildə Bakı şəhərinin 23 №-li orta məktəbini qızıl medalla bitirərək Nəriman Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub. Sonra təhsilini İ.M.Seçenov adına Birinci Moskva Tibb İnstitutunda davam etdirib, 1988-ci ildə oranı fərqlənmə diplomu ilə bitirib.
Mehriban Əliyeva 1996-cı ildə Azərbaycan mədəniyyətinin geniş təbliği məqsədilə üç dildə (Azərbaycan, ingilis və rus) nəşr olunan "Azərbaycan – İrs" jurnalını təsis edib. O, 2005, 2010 və 2015-ci illərdə üçüncü, dördüncü və beşinci çağırış Azərbaycan Respublikasının Milli Məclisinin deputatı seçilib.
Mehriban xanım 2021-ci il martın 5-də Yeni Azərbaycan Partiyasının Sədri İlham Əliyevin Sərəncamı ilə partiya sədrinin birinci müavini, 2017-ci ildə isə Azərbaycanın Birinci vitse-prezidenti təyin edilib. O, həmçinin Heydər Əliyev Fondunun prezidentidir.
Sumqayit24.az Mehriban xanımı ad günü münasibətilə təbrik edir.
