Sumqayıtda mövcud və əsas problemlərdən biri ictimai nəqliyyatla bağlıdır. Bəzi daşıyıcılar illərlə davam edən və günü-gündən artan çatışmazlıqlara göz yumur, gediş haqqının artmasına baxmayaraq, maşınları yeniləmir və yalnız bütün gününü sükan arxasında keçirən sürücülərin planlarını artırmaqla məşğuldur.
Sakinlərin narazı salan məsələləri öyrənmək üçün Sumqayit24.az-ın sosial şəbəkə hesablarında sorğu keçirdik. Sorğunun nəticələrinə əsaslanaraq bildiririk ki, vətəndaşlar ən çox 2, 3, 4, 5, 6, 9, 12A, 16/19, 17, 18, 27, 522 və 523 müntəzəm marşrut xətləri üzrə hərəkət edən avtobusların fəaliyyətindən şikayət edirlər.
Şikayətlər isə nəqliyyat vasitələrinin vəziyyəti, istismar müddətini başa vurmasına baxmayaraq hələ də yenilənməməsi, aralarındakı böyük interval, bəzilərinin saat 20:00-dan sonra ümumiyyətlə işləməməsi, işləyənlərin isə bir saatdan bir gəlməsi, əksər sürücülərin avtobusları idarə etmə tərzi və sərnişinlərə qarşı rəftarı ilə bağlıdır.
Aidiyyəti qurumların əhalini narahat edən bu məsələyə diqqət yetirəcəyinə ümüd edirik.
