Bu gün Laçın rayonunun 28 illik erməni işğalından azad edilməsinin dörd ilinin tamam olduğu gündür.
Sumqayit24.az xəbər verir ki, 1992-ci il mayın 18-də Şuşa şəhərinin Turşsu deyilən ərazisindən və Ermənistan istiqamətindən hücuma keçən düşmən Laçını işğal edib.
2020-ci il sentyabrın 27-də başlanan və 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələnib. Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyanın 2020-ci il noyabrın 10-da imzaladıqları bəyanata əsasən Laçın dekabrın 1-də Azərbaycana qaytarılıb.
Azərbaycanın füsunkar guşələrindən biri olan Laçında hazırda bərpa-yenidənqurma işləri aparılır, yeni infrastruktur yaradılır, rayon dirçəldilir.
İndiyədək “Böyük Qayıdış” proqramı çərçivəsində doğma yurduna Laçın şəhərinə 451 ailə (1705 nəfər), Zabux kəndinə isə 211 ailə (808 nəfər) qayıdıb.
