22 iyul Azərbaycan mətbuatı üçün xüsusi əhəmiyyət daşıyan gündür. 1875-ci ildə Həsən bəy Zərdabinin təşəbbüsü ilə nəşrə başlayan “Əkinçi” qəzeti bu torpaqlarda milli mətbuatın təməlini qoydu. Məhz bu tarixdən etibarən jurnalistika xalqın səsi, cəmiyyətin aynası və maarifin daşıyıcısına çevrildi.
Bu gün ölkəmizdə jurnalistlər milli maraqları qorumaqla yanaşı, informasiya müharibəsində də ön cəbhədə yer alır, cəmiyyətin maariflənməsi və şəffaflığın təmin olunması üçün əvəzsiz rol oynayırlar. Xüsusilə Sumqayıt kimi dinamik inkişaf edən bir şəhərdə medianın rolu daha da ön plana çıxır.
Sumqayit24.az olaraq, biz də daim obyektiv, məsuliyyətli və ictimai maraqlara xidmət edən xəbər siyasəti ilə oxucularımıza doğru və operativ informasiya çatdırmağa çalışırıq.
Bu əlamətdar gündə ölkəmizin bütün jurnalistlərini və media əməkdaşlarını təbrik edir, fəaliyyətlərində uğurlar, qələmlərinə iti, sözlərinə güc arzulayırıq!
