Bu gün Mərkəzi Seçki Komissiyasının iclası keçiriləcək.
Sumqayıt24-ün xəbərinə görə, iclasda Milli Məclisə növbədənkənar seçkilərin nəticələrinin yoxlanılması və yekun vurulması məsələsi müzakirəyə çıxarılacaq.
Seçkilərin ümumi yekunları haqqında protokol tərtib edildikdən sonra 24 saat müddətində Mərkəzi Seçki Komissiyası seçkilərin yekunlarının və nəticələrinin təsdiq olunması üçün müvafiq sənədləri Konstitusiya Məhkəməsinə təqdim etməlidir.
Konstitusiya Məhkəməsi müvafiq sənədləri aldıqdan sonra 10 gün müddətində (yoxlama prosesi tələb etdikdə, həmin müddət artırıla bilər) Milli Məclisə seçkilərin yekunlarının və nəticələrini yoxlayaraq təsdiq edəcək.
Qeyd edək ki, bu il növbədənkənar parlament seçkilərində deputat adı uğrunda 125 dairədən 1052 iddiaçı mübarizə aparıb. Budəfəki seçkilərdə bəzi yeni və ya uzunmüddətdir Milli Məclisdə təmsil olunmamış Respublikaçı Alternativ, Azərbaycan Milli İstiqlal, Milli Cəbhə və Ədalət, Hüquq, Demokratiya Partiyalarının adını ilkin nəticələrin açıqlandığı siyahıda görmək olar.
Məlumata görə, Yeni Azərbaycan Partiyası bu seçkidə 54,4%-lə qələbə qazanıb.
