Bu gün şəhid Fazil İbrahimovun doğum günüdür.
Fazil Müzəffər oğlu İbrahimov 30 iyun 1969-cu ildə Sumqayıt şəhərində anadan olub. Orta təhsilinə Sumqayıt 21 nömrəli orta məktəbdə yiyələnib. 1984-cü ildə Sumqayıt politexnik texnikumuna daxil olaraq oranın İnşaat fakültəsini bitirib. Daha sonra Almaniyada hərbi xidmətdə olub, 1990-cı ildə ordudan tərxis olunaraq Sumqayıta qayıdıb.
“Rahibə” kiçik müəssisəsində ixtisası üzrə işləyib. Qarabağ müharibəsinin başlamasından sonra, 1992-ci ildə könüllü olaraq cəbhə bölgəsinə yollanıb. Çox keçmir ki, onun sorağı Laçının Güləbird, Fingə və digər kəndlərindən gəlir. İgid əsgər yaralı dostunu döyüş meydanından çıxararkən düşmən snayperinin gülləsinə tuş gəlib. Subay idi. Məzarı Sumqayıt Şəhidlər xiyabanındadır.
