Bu gün Vətən müharibəsi şəhidi Teymur Əzizovun doğum günüdür.
Teymur Əli oğlu Əzizov 1987-ci il iyunun 22-də Sumqayıt şəhərində anadan olub.
Azərbaycan Ordusunun leytenantı olan Teymur sentyabrın 27-də başlayan Vətən müharibəsi zamanı Cəbrayıl və Füzulinin azadlığı uğrunda gedən döyüşlərdə savaşıb.
Leytenant Əzizov oktyabrın 6-da Füzuli döyüşləri zamanı şəhid olub.
Teymur əzizov Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün ölümündən sonra "Vətən uğrunda" və "Cəbrayılın azad olunmasına görə" medalları ilə təltif edilib.
