Ölkənin ən böyük ət məhsulları istehsalçısı olan “Səhliyalı” Kiçik Müəssisəsi cərimələnib.
Tribunainfo.az-ın xəbərinə görə, aparılan yoxlama zamanı məlum olub ki, müəssisə İnzibati Xətalar Məcəlləsinin ticarət qaydaları əleyhinə olan 448-ci maddəsini pozub. Tələbi pozulan maddəyə əsasən, saxta və ya dövlət standartlarının, standartlaşdırma üzrə digər normativ sənədlərin tələblərinə uyğun olmayan malların idxal edilməsinə görə saxta və ya keyfiyyətsiz mallar müsadirə edilməklə, fiziki şəxslər 350-500 manat, vəzifəli şəxslər 1500-2000 manat, hüquqi şəxslər isə 4000-6000 manatadək məbləğdə cərimə edilir.
“Səhliyalı” şirkəti ilə bağlı iş baxılması üçün Sumqayıt Apellyasiya Məhkəməsinə göndərilib. İşə 22 noyabr tarixində hakim Ruhiyyə Əsgərovanın sədrliyi ilə baxılacaq.
Qeyd edək ki, Səhliyalı” Kiçik Müəssisəsi 1996-cı ildə fəaliyyətə başlayıb. Şirkətin “1000 bərəkət, halal nemət” ticarət nişanı isə 2009-cu ildən fəaliyyətdədir.
