Sumqayıtı su ilə təmin edən Ceyranbatan anbarının çirkləndirildiyi iddia olunur.
Xezerxeber.az xəbər verir ki, Xırdalanda daşan kanalizasiya suları yolu keçilməz hala salıb. Sakinlər çirkab suların Ceyranbatan su anbarına axıdıldığını deyirlər.
Abşeron Su Meliorasiya Sistemlərinin İstismarı İdarəsi yaranmış vəziyyətdən xəbərdar olduqlarını bildirib. İdarə yeni yaradıldığından hazırda təhvil - təslim işləri həyata keçirilir.
“Ancaq buna baxmayaraq qurum əməkdaşları tərəfindən sakinlərin haqlı şikayətləri araşdırılıb və problemin aradan qaldırılması istiqamətində tədbirlər görüləcək”, - deyə idarədən qeyd edilib.
