“Azərbaycan Dəmir Yolları” QSC (ADY) COP29 tədbir günlərində qatarların hərəkət cədvəlində müvafiq dəyişikliklər edir.
Sumqayit24.az xəbər verir ki, bu barədə ADY məlumat yayıb.
Sərnişindaşıma xidmətinin təhlükəsiz və vaxtında həyata keçirilməsi üçün oktyabrın 30-da Abşeron dairəvi dəmiryol xətti üzrə baş tutan texniki fasilə tamamlanır. Qatarlar noyabrın 11-dən etibarən 16 sentyabrda elan edilən qrafik üzrə hərəkətdə olacaq. Sürət qatarları 8, 9, 10, 17 və 24 noyabr tarixlərində qeyri-iş günlərinin cədvəlinə uyğun hərəkət edəcək.
11, 12, 13, 16 və 23 noyabr tarixlərində isə Bakı–Sumqayıt–Bakı marşrutu üzrə qatarlar iş günlərinin cədvəlinə uyğun fəaliyyət göstərəcək.
