Saray qəsəbəsində yerləşən yaşayış kompleksində daha 369 yeni, tam təmirli mənzil vətəndaşlara təqdim edilir.
Sumqayit24.az xəbər verir ki, bu barədə İpoteka və Kredit Zəmanət Fondu (Fond) məlumat yayıb.
Yaşayış sahələri 1 və 2 otaqlı olmaqla, aylıq ödənişləri 448 manatdan başlayır. Yeni mənzillər seçim üçün oktyabrın 22-dən etibarən açıq olacaq. Vətəndaşlar təqdim olunan yaşayış sahələrinin siyahısı ilə link vasitəsilə tanış ola bilərlər.
Müraciətlərin qəbulu və mənzil seçimi Elektron hökumət portalına (e-gov.az) inteqrasiya edilmiş Elektron ipoteka və kredit zəmanət sistemi üzərindən həyata keçirilir.
Qeyd edək ki, indiyədək satmaq öhdəliyi ilə kirayə mexanizmi çərçivəsində 5522 kirayə müqaviləsi bağlanıb.
