Şuşa şəhərinə növbəti köç karvanı yola salınıb.
Sumqayit24.az xəbər verir ki, Böyük Qayıdış Proqramı çərçivəsində yataqxana, sanatoriya və inzibati binalarda müvəqqəti məskunlaşan 48 ailədən ibarət karvan Bakının Qaradağ rayonundan yola düşüb. Bu mərhələdə Şuşaya 164 nəfər köçürülüb.
Qeyd edək ki, hazırda Qarabağda və Şərqi Zəngəzurda, ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 30 minə yaxın insan yaşayır.
