Sumqayıtda qadın dələduzluq edib.
Sahibkarın Sumqayıt24-ə verdiyi məlumata əsasən, hadisə 17-ci mikrorayonda baş verib. Şikayətçinin redaksiyamıza təqdim etdiyi təhlükəsizlik kamerasının görüntülərində qadının köşkdən aldığı su müqabilində 100 manat əsginası satıcının önünə qoyduğu əks olunub. Daha sonra isə pulu geri götürərək çantasına qoyub. Satıcı isə ona sanki suyun pulunu çıxaraq qalıq 98 manatı geri qaytarıb.
Şikayətçi iddia edir ki, qadın satıcını hipnoz edib. Onun sözlərinə görə, son zamanlar bu kimi halların sayı artıb:
“Mən özüm köşk işlədirəm və bir neçə obyekt sahibləri ilə də ünsiyyətdəyik. Bununla neçənci dəfədir ki, bu hal təkrarlanır. Bir qrup şəxs, aralarında xanım olmaqla, yaxınlaşıb satıcıları hipnoz edirlər. Sonda isə pulları bu şəkildə mənimsəyib gedirlər”.
Sahibkar belə halların təkrarlanmaması üçün satıcıları diqqətli olmağa çağırıb.
