“Mərc oyunu olduğunu bilmirdik”.
Bunu Sumqayit24.az-a adı qanunsuz mərc və şans oyunlarını reklam edənlər arasında hallanan müğənni Damlanın (Məsumə Məmmədova) prodüseri Şamil İbrahimov açıqlamasında deyib.
Şamil İbrahimov yayılan məlumatlara aydınlıq gətirib:
“Sözügedən videoçarxlar pandemiya dövründə lentə alınıb. Görüntülər dörd il öncəyə aiddir. Çəkildikdən sonra Dövlət Təhülkəsizlik Xidməti bizi çağırdı. Lazımi tədbir görüldü. Sonda da məhkəməmiz oldu, 500 manat cərimə ödədik”.
Ş.İbrahim qeyd edib ki, reklam çarxına çəkilmək təklifini normal, hüquq-pozuntusu olmayan iş zənn ediblər:
“Mərc oyunu olduğunu bilmirdik. Bilsəydi, Damla buna qol qoymazdı. Qeyri-qanuni bir şirkət və ya reklam çarxı olduğunu bilmirdik və bu barədə məlumatsız idik. Bir neçə müğənni bizimlə eyni vaxt cərimələndi. Həmin məsələdən sonra ümumiyyətlə bu tip reklamlara çəkilməyib”.
Nəzrin Vahid
