Sumqayıtın 10-cu mikrorayon ərazisindəki dayanacaqlardan birinin sözügedən küçədəki sahibkar tərəfindən ləğv edildiyi barədə iddialara aydınlıq gətirilib.
İddiaya görə, sahibkar obyektin önünün açılması üçün belə bir addım atıbmış.
Obyektin sahibi Sevinc Quliyeva Sumqayit24.az-a açıqlamasında deyilənləri təkzib edib. O, hətta dayanacağın biznesinə müsbət təsir etdiyini bildirib:
“Mən obyekti açanda ərazidə dayanacaq var idi. Burada dayanan insanlar mağazamı görüb girirdilər. Özüm də bu dayanacaqdan istifadə edirdim. Lakin 2-3 ay öncə dayanacağı ləğv etdilər.
Mən onu özbaşına götürə bilməzdim, buna səlahiyyətim də yoxdur. İddialar tamamilə yanlışdır”.
Qeyd edək ki, dünən yayılan xəbərlərə əsasən, Sumqayıtın ən gediş-gəlişli yerlərindən birində, 10-cu mikrorayonda dayanacaq “yoxa çıxıb”. Şikayətçilərin iddiasına görə, həmin dayanacaq “Tort Sumqayıt” mağazasının sahibi tərəfindən götürülüb.
Nəzrin Vahid
