Yenilənib saat: 17:42
Baş Prokurorluğun Mətbuat xidməti hadisə ilə bağlı məlumat yayıb.
Bildirilib ki, yanvarın 13-də saat 8 radələrində Abşeron rayonunun Pirəkəşkül qəsəbəsi ərazisində külək turbinlərinin quraşdırılması işləri zamanı 2003-cü il təvəllüdlü, Hindistan vətəndaşı Harı Prakashi aldığı xəsarətlərdən xəstəxanada ölüb, həmyerlisi, 1982-ci il təvəllüdlü Thattaru Padikkal isə xəsarətlər alaraq xəstəxanaya yerləşdirilib.
Faktla bağlı Abşeron Rayon Prokurorluğunda araşdırma aparılır.
***
Saat: 12:32
Zavodların birində faciə baş verib.
Bakuplus.az-ın məlumatına görə, hadisə Abşeron rayonunda qeydə alınıb. Beton hasarın aşması nəticəsində bir nəfər ölüb, digəri ağır yaralanıb.
Ölən Hindistan vətəndaşı 2003-cü il təvəllüdlü Harı Prakaşdır. Onun xəstəxanada dünyasını dəyişdiyi bildirilir. Digər fəhlə isə Sumqayıtda xəstəxanaya yerləşdirilib.
Araşdırma aparılır.
Sumqayit24.az ölən şəxsin fotosunu əldə edib:
Foto Sumqayıt24
