"Qarabağda və Şərqi Zəngəzurda regionun sosial-iqtisadi inkişafına uyğun peşə təhsili şəbəkəsinin planlaşdırılması təqdirə layiqdir və yaxşı nümunədir. Regionların sosial iqtisadi imkanlarına uyğun peşə təhsili sisteminin yaradılması həmin regionlarda demoqrafik inkişafın davamılığına da müsbət təsir edə bilər. Peşə təhsilinə qeyri-dövlət sektorlarının cəlbi dövlət özəl tərəfdaşlığına dəstək və həmçinin dövlət büdcəsinə qənaət etmək deməkdir".
Sumqayit24.az xəbər verir ki, bunu deputat Mehriban Vəliyeva parlamentdə büdcə müzakirələri zamanı bildirib.
"Sənaye şəhəri olan Sumqayıtda iki böyük sənaye parkı fəaliyyət göstərir və bu baxımdan orada peşə təhsilinin inkişafı, tələbata uyğun peşə təhsili şəbəkəsinin qurulması strateji əhəmiyyət daşıyır. Sumqayıt sənaye parklarındakı rezidentləri bu prosesə cəlb etməklə təhsil, sənaye, dövlət, özəl tərəfdaşlığı modelləri tətbiq olunaraq genişləndirilə bilər. Belə bir model varmı? Var.
İqtisadi Zonaların İnkişafı Agentliyi nəzdində fəaliyyət göstərən peşə təhsili müəssisəsi əslində Sumqayıt sənaye parkında uğurlu nəticələri ilə diqqəti cəlb edir. Bu kontekstdə bu nümunədə müəssisələrarası koordinasiya mexanizmləri, təhsil, sənaye, inteqrasiyasına həyata keçirilməsi ilə dövlət peşə təhsili müəssisələrinin yenidən qurulması, xüsusilə sənaye və yüksək texnologiyalar üzrə Sumqayıt Dövlət Peşə Təhsili Mərkəzinin yenidən təşkil olunması həm iqtisadi baxımdan səmərəlidir, həm də gənclərin məşğulluq imkanlarının genişləndirilməsi əmək bazarının tələblərinə uyğun kadr hazırlığının təmin edilməsinə kömək edə bilər.
Bunun üçün sənaye parkları ilə əməkdaşlıq müqavilələri, praktik təlim kvotaları, müəssisələr üçün vergi güzəştləri və təlim subsidiyalarının istifadə mexanizmləri işlənə bilər", - deyə o, əlavə etdi.
