"Dünya TV"nin efirinə çıxmaq istəyən qadın müğənni dələduzluğun qurbanı olub.
Teleqraf.az-ın əldə etdiyi məlumata görə, müğənni kimi fəaliyyət göstərən Zeynəb Qasımova tanışı Əlizamin Məmmədova (soyadlar şərtidir) Sumqayıtda yerləşən "Dünya TV"nin efirinə çıxmaq istədiyini bildirib. Əlizamin bunu 800 manat qarşılığında təşkil edə biləcəyini vəd edib.
Müğənnidən 800 manat alan Əlizamin ona telekanalın əməkdaşları tərəfindən telefon zəngi gələcəyini deyib. Zeynəb inanaraq zəngi gözləsə də, sonradan aldadıldığını anlayıb. Əlizamin isə xanımdan aldığı pulu özünə xərcləyib.
Qarşı tərəfdən pulunu istəyən ifaçı yalnız 70 manat ala bilib. Pulun qalan hissəsini qaytara bilməyən Zeynəb Qasımova məhkəməyə üz tutub. Məhkəmə Əlizamin Məmmədova 1500 manat cərimə kəsib. İndi təqsirləndirlən şəxslə müğənni arasında əldə olunan razılağa əsasən, Əlizamin Zeynəbə hər ay 50 manat ödəməklə pulunu qaytaracaq.
