Dünyanın ən nüfuzlu tədqiqatçılarından biri Sumqayıta gəlir.
Sumqayıt24 xəbər verir ki, dünyanın ən yaxşı 8 universiteti arasında yer alan Sinqapur Milli Universitetinin Dayanıqlılıq və Nanotexnologiya Mərkəzinin direktoru, dünyanın ən nüfuzlu tədqiqatçıları sırasında adıçəkilən professor Siram Ramakrişna Sumqayıt Dövlət Universitetində (SDU) açıq mühazirə ilə çıxış edəcək.
“Dayanıqlı inkişafa doğru: XXI əsrdə ali təhsilin və innovasiyaların rolu” adlı tədbir zamanı universitetlərin həyata keçirə biləcəyi təhsil, tədqiqat və innovasiya strategiyaları, universitetlər və şirkətlər arasında faydalı əməkdaşlığın qurulması, ali təhsil və innovasiya üzrə əlverişli milli siyasət, qaydalar, dünyanın ən yaxşı müvafiq təcrübələri haqqında müzakirələr aparılacaq.
İştirak etmək istəyənlər link vasitəsilə qeydiyyatdan keçməlidirlər. Seçilmiş şəxslərə elektron dəvətnamə göndəriləcək.
Mühazirə 11 sentyabr tarixində ingilis dilindən Azərbaycan dilinə tərcümə ilə həyata keçiriləcək.
