“Ekologiya postu”nda yoxlama aparılır.
Avtosfer-in məlumatına görə, monitorinq Ekoloji Nəzarət üzrə Yol Patrul Xidməti Bölüyünün əməkdaşları tərəfindən həyata keçirilir. Normativ tələblərə cavab verən avtomobillərin sürücülərinə təşəkkür olunub. Lakin bəzi avtomobillərdə bu göstəricilər normadan az artıq qeydə alınıb. Bu sürücülərə isə cərimə tətbiq edilməyərək xəbərdarlıq edilib. Qaydaları kobud şəkildə pozan sürücülər isə inzibati məsuliyyətə cəlb olunublar.
Xüsusilə sərnişindaşıma ilə məşğul olan bəzi avtobuslarda ciddi problemlər aşkarlanıb. Belə ki, avtobusların nasaz vəziyyətdə yola çıxması, həddindən artıq zəhərli maddələr ixrac etməsi müşahidə olunub. Həmin avtobus sürücüləri ilə profilaktiki söhbətlər aparılıb. Nəqliyyat vasitələri duracağa yönləndirilib. Daşıyıcı şirkətlərin nümayəndələri ilə bu istiqamətə maarifləndirici işlər aparılıb.
Qeyd edək ki, maarifləndirici tədbirlər oktyabrın 1-dən noyabrın 1-ə qədər "Təmiz hava" aylığı ilə bağlı həyata keçirilir.
