Sumqayıtda elektromioqrafiya müayinəsinə başlanılıb. Bu haqda 6 aprel tarixində Sumqayıt24 Sumqayıt Tibb Mərkəzinə (STM) istinadən məlumat verir.
Artıq 1 nömrəli Xəstəxanada elektromioqrafiya (EMQ) müayinəsi aparılır.
EMQ müayinəsi nə zaman aparılmalıdır:
- Sinir yaralanmaları (kəsik, travma);
- Sinir sıxılması (karpal tunel, kubital və tarsal tunel sindromu);
- Boyun və bel yırtığı diaqnozunun təsdiqi;
- Polineyropatiyalarla nəticələnən xəstəliklər zamanı (şəkər xəstəliyi);
- Əzələ və sinir-əzələ sinapslarındakı xəstəliklər (miopatiya, miasteniya);
- Əzələ ərimələri ilə gedən xəstəliklər, motoneyron xəstəlikləri (poliomielit, ALS);
- Üz sinirinin nevropatiyası.
Qeyd edək ki, həkim göstərişi olduğu halda, EMQ müayinəsi icbari tibbi sığorta ilə tam ödənişsiz təmin olunur.
