Sumqayıt Dövlət Dram Teatrının aktyoru, Əməkdar artist Mövsüm Hüseynov dəfn olunub.
Mərhumla Sumqayıt şəhərindəki evində vida mərasimi keçirilib. Mərasimdə sənətçinin ailə üzvləri, yaxınları, sənət dostları iştirak ediblər.
Aktyor Sumqayıt şəhər qəbiristanlığında torpağa tapşırılıb.
***
Saat: 14:39
"Mövsüm Hüseynov 5 ildən çox idi ki, ağır xəstəlikdən əziyyət çəkirdi. Son zamanlar ayaqları da tutulmuşdu. Xəstəlik onu əldən salmışdı”.
Bunu Qaynarinfo.az-a açıqlamasında Sumqayıt Dövlət Dram Teatrının direktor müavini Vidadi Məmmədov deyib. Onun sözlərinə görə, Mövsüm Hüseynov şəkər xəstəsi olub:
"Şəkər bütün orqanlarını zədələdi. Ürək, böyrək sıradan çıxdı. Müalicənin hesabına yaşadı. Çox yaxşı adam idi. Bir azdan onu Sumqayıt qəbiristanlığında dəfn edəcəyik. Mövsüm Laçında anadan olub, amma Ağdamda böyüyüb”.
Vidadi Məmmədov vida mərasimində teatrın direktoru, Baş rejissoru, aktyor heyətinin çıxış etdiyini vurğulayıb.
Qeyd edək ki, Sumqayıt Dövlət Dram Teatrının aktyoru, Əməkdar artist Mövsüm Hüseynov vəfat edib.
