Sumqayıt Uşaq Xəstəxanasının Yoluxucu xəstəliklər şöbəsinin müdiri mükafatlandırılıb. Bu haqda 7 sentyabr tarixində Sumqayıt24 STM-ə istinadən xəbər verir.
Əməkdar həkim Sehri Babayev səhiyyə sahəsində uzunmüddətli və səmərəli xidmətlərinə görə Təşəkkürnamə ilə təltif edilib. Mükafat STM-in direktoru Səkinə Sadıxova tərəfindən təqdim olunub.
Qeyd edək ki, S. Babayev 40 ilə yaxındır ki, səhiyyənin uğurları üçün çalışır və Sumqayıt Tibb Mərkəzinin baş infeksionistidir.
