Sumqayıt Apellyasiya Məhkəməsində qətl törətməkdə və qanunsuz azadlıqdan məhrum etmədə təqsirləndirilən Tural Hacıyev və qanunsuz azadlıqdan məhrum etmədə ittiham olunan atası Mahir Hacıyevin apellyasiya şikayəti üzrə məhkəmə iclası başa çatıb.
Pravda.az-ın məlumatına görə, hakim Elman Əhmədovun sədrliyi ilə keçirilən prosesdə qərar elan olunub. Apellyasiya şikayəti təmin edilməyib.
Qeyd edək ki, bu ilin aprelində Şamaxı rayonu Mədrəsə qəsəbəsində 2005-ci il təvəllüdlü Ramin Hacıyevin iplə boğularaq qətlə yetirilməsi barədə polisə məlumat daxil olub.
Cinayətdə şübhəli bilinən onun əmisi oğlu 1994-cü il təvəllüdlü Tural Hacıyev polis əməkdaşları tərəfindən saxlanılıb. Daha sonra Tural Hacıyevin atası Mahir Hacıyev də cinayət məsuliyyətinə cəlb edilib.
Tural Hacıyev məhkəmədə elan edilmiş ittihamlar üzrə özünü təqsirli bilərək göstərib ki, əmisi oğlu Ramini arvadı ilə birlikdə yataq otağında tutub. Sonra o, Ramini arvadı ilə aralarında olan münasibətə görə qısqanclıq zəminində iplə asaraq öldürüb.
Sumqayıt Ağır Cinayətlər Məhkəməsinin hökmü ilə Tural Hacıyev 11 il müddətinə azadlıqdan məhrum edilib və Mahir Hacıyevə isə şərti cəza verilib
