Məişət tullantılarının kənar yerlərə atılmasına görə cərimə artırılır.
Sumqayit24.az xəbərinə görə, bu, İnzibati Xətalar Məcəlləsinə təklif olunan dəyişiklikdə əksini tapıb. Qüvvədə olan qanuna əsasən, zibili tutumlardan (urnalardan) kənar yerlərə atanlar 50 manat cərimə edilirlər.
Layihəyə əsasən, ətrafı zibilləyən fiziki şəxslər 300 manat, vəzifəli şəxslər 1000 manat, hüquqi şəxslər isə 4000 manat məbləğində ziyana düşəcəklər.
Sözügedən qaydanı bir il ərzində təkrar pozan fiziki şəxslər 1000, vəzifəli şəxslər 1500-2000 manat cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, 60-100 saat ictimai işlər tətbiq olunur, hüquqi şəxslər isə 5000-7000 manat məbləğdə cəzalandırılır.
