Fövqəladə Hallar Nazirliyinin (FHN) Sumqayıt Regional Mərkəzi tərəfindən nümunəvi obyekt üzrə mülki müdafiə məşqi keçirilib.
Sumqayit24.az FHN-ə istinadən xəbər verir ki, “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” adlı təlim “Zəhmət-Ruzi” MMC-də təşkil olunub.
Məşq zamanı sözügedən MMC-nın heyətinin fövqəladə hal barədə xəbərdar edilməsi, toplanması, habelə yaranmış ekstremal vəziyyətin nəticələrinin aradan qaldırılması və ümumi idarəetmənin təşkili üzrə fəaliyyətlər qiymətləndirilib, həmçinin funksional vəzifələrlə bağlı məruzələr dinlənilib.
Sonra əldə edilmiş nəticələr müzakirə olunub, aidiyyəti üzrə tapşırıqlar verilib.
