2025-ci ildə Yerdə iki Günəş və iki Ay tutulması baş verəcək.
Sumqayit24.az xəbər verir ki, bu barədə Bakı Dövlət Universitetinin (BDU) Fizika fakültəsinin Astrofizika kafedrasından məlumat verilib.
Qeyd edilib ki, gələn ilin birinci Günəş tutulması martın 29-da olacaq. Qismən tutulma Rusiyanın şimalı, Avropa, Şimal-Qərbi Afrika və Atlantik okeanından görünəcək.
2025-ci ilin ikinci qismən Günəş tutulması sentyabrın 21-də baş verəcək. Bu təbiət hadisəsi Sakit okean, Yeni Zellandiya və Antarktidada görünəcək.
Məlumata görə, 2025-ci ilin ilk Ay tutulması martın 14-də baş verəcək. Bu, tam Ay tutulmasıdır. Ay tutulması Sakit okean, Amerika, Qərbi Avropa və Qərbi Afrikada müşahidə olunacaq.
2025-ci ilin ikinci tam Ay tutulması sentyabrın 7-də baş verəcək. Bu təbiət hadisəsi Avropa, Afrika, Asiya və Avstraliyada görünəcək.
