Azərbaycan Dövlət Gənc Tamaşaçılar Teatrının yaradıcı heyəti Sumqayıt Dram Teatrının səhnəsində çıxış edib. Bu haqda 23 fevral tarixində Sumqayıt24 xəbər verir.
Qastrol səfəri çərçivəsində yaradıcı heyət "İnanıram" monotamaşasını nümayiş etdirib.
Gənc dramaturq Ülviyyə Heydərovanın qələmə aldığı əsərə rejissor Elşad Rəhimzadə quruluş verib. İfaçı Zemfira Əbdülsəmədova şəhid anasının iztirablarını məharətlə çatdıra bilib. Tamaşa alqışlarla qarşılanıb.
