Sumqayıt Bulvarı ərazisində yerləşən sadə idman qurğusunda müxtəlif sahələri təmsil edən gənclərlə seminar keçirilib.
Sumqayit24.az xəbər verir ki, tədbir “İnsan hüquqları aylığı” çərçivəsində Abşeron – Xızı Regional Gənclər və İdman İdarəsinin təşkilatçılığı ilə baş tutub.
Seminarın keçirilməsində məqsəd şəhərdə “İnsan hüquqları aylığı”nın qeyd edilməsi, idmanın kütləviliyinə nail olmaq, sağlam həyat tərzinin təbliği, inkişafı və gənclərin asudə vaxtının səmərəli təşkilidir.
