Sumqayıtda “Korrupsiyaya qarşı mübarizə” mövzusunda dəyirmi masa keçirilib. Sumqayıt24 bu barədə 30 noyabr tarixində Xidmət Sahələri üzrə Sumqayıt Dövlət Peşə Təhsil Mərkəzinə istinadən xəbər verir.
Heydər Əliyev Mərkəzində baş tutan tədbirdə Xidmət Sahələri üzrə Sumqayıt Dövlət Peşə Təhsil Mərkəzinin pedaqoji heyəti və tələbə kontingenti və mərkəzin əməkdaşları iştirak ediblər.
Yığıncaqda çıxış edən mərkəz rəhbəri Vüsalə Qurbanova tədbirin mahiyyətini iştirakçılara çatdırıb. Sonda mərkəzin əməkdaşı tələbələri maraqlandıran sualları cavablandıraraq “korrupsiya nədir?”, “korrupsiyaya qarşı necə mübarizə aparmaq olar?” kimi mövzular ətrafında söhbət aparıb.
