Bu il Təbiət Elmləri Təmayüllü Gimnaziyanı 70 məzun bitirdi. Onların hamısı tələbə adını qazanıblar.
Sumqayıt24 xəbər verir ki, 48 məzun 600-dən yuxarı bal toplayıb. Onlardan 26 nəfər 650-dən çox bal toplayıb.
Məzunlar arasında 15 nəfər keçid balı yüksək olan Bakı Ali Neft Məktəbinə (BANM), 19 nəfər Azərbaycan Tibb Universitetinə, 16 nəfər isə Azərbaycan Diplomatik Akademiyasına (ADA), Azərbaycan Dövlət İqtisad Universitetinə (UNEC) və Bakı Dövlət Universitetinə (BDU) qəbul olunub.
Digər məzunların üçü xarici ölkələrin nüfuzlu universitetlərindən qəbul alıb.
Bir nəfər Respublika Fənn Olimpiadaları (RFO) qalibi olaraq imtahansız qəbul olub.
Qeyd edək ki, təhsil müəssisəsi üzrə orta bal 612 olub. Bu isə ölkə üzrə rekord göstəricidir.
