"Gold Qayalı” qurdlamış şokaladla bağlı açıqlama verib.
Xəbər verdiyimiz kimi, Sumqayıt sakini həmin mağazadan konfet alıb. Evə apardıqda isə şokoladda açılan deşikdən qurd çıxdığını görüb.
"Gold Qayalı” Marketlər Şəbəkəsinin İctimaiyyətlə əlaqələr şöbəsinin müdiri İlkin Şirinov Xeberle.com-a açıqlamasında bildirib ki, məhsulun alınması ilə bağlı heç bir qəbz təqdim olunmayıb:
"Paylaşılan video ilə bağlı onu deyə bilərəm ki, məhsulun bizdən alınması ilə bağlı hər hansısa kassa qəbzi təqdim olunmayıb. Qəbz olmalıdır ki, biz bunu araşdıraq. Tərəzidən çıxma qəbz olmalıdır. Digər tərəfdən məhsulun bizdən nə vaxt alınması ilə bağlı məlumat yoxdur. Ən azı qəbz olmalıdır ki, biz bunu müəyyən edək. Bəlkə də bizdən bir aya yaxındır alınıb. Müştəri məhsulu bizdən aldıqdan sonra bir ay müddətində məhsulu necə saxladığını biz bilmirik. Biz bunun haqqında heç bir fikir yürüdə bilmərik.
Əgər məhsul həqiqətəndə qurdlanmışdısa, anında geri qaytarılmalı idi. Biz onu dəyişdirib verməliydik. Məndə olan məlumata görə, sentyabrın 15-də alınmış məhsul olub. Artıq oktyabrın 15-idir. Bir ay üstündən vaxt keçib. Nəzərə alaq ki, istehlakçıların məhsulu 14 gün müddətində dəyişdirmək və qaytarmaq ixtiyarı var. 14 gün keçməsinə baxmayaraq, biz yenə də məhsulu qaytarmağı və dəyişməyi təklif etmişik. Lakin, məhsulun bizdən alınması ilə bağlı heç bir qəbz olmayıb”.
