Nəqliyyat üzrə ekspert 123 nömrəli müntəzəm marşrut xəttindən danışıb.
“Avtosfer” xəbər verir ki, Rauf Ağamirzəyev marşrut üzrə işləyən yeni “Isuzu” avtobuslarının “AzMaşın” Hacıqabul Sənaye Məhəlləsi ilə Özbəkistanın “SamAuto” şirkətinin birgə istehsalı olduğunu bildirib.
Məlumata görə, “AzMaşın” zavodu Azərbaycan Respublikasının Prezidenti İlham Əliyev tərəfindən 2021-ciilin sentyabrında Hacıqabul Sənaye Məhəlləsində açılıb.
“AzMaşın” və “Uzavtosanoat” səhmdar cəmiyyətlərinin müştərək müəssisəsi olan “Azərmaş CP”də “Minik avtomobilləri və sərnişin avtobuslarının istehsalı” birgə layihəsi uğurla davam etdirilir. İndiyədək 14 modeldə 2,5 mindən çox “Chevrolet” markalı minik avtomobili və Yaponiyanın “İSUZU” brendinin avtobusları istehsal olunub.
Qeyd edək ki, 123 nömrəli marşrut Sumqayıt şəhərinin Sülh küçəsini metronun “Azadlıq prospekti” stansiyası ilə əlaqələndirir.
