Sumqayıt şəhərinin 41-ci məhəlləsində yerləşən 4 nömrəli yataqxananın vəziyyəti sakinlər arasında ciddi narahatlıq yaradıb.
Sumqayit24.az -a daxil olan məlumata görə, bina qəzalı vəziyyətə düşüb və orada yaşamaq getdikcə daha təhlükəli hal alır.
Sakinlər bildirirlər ki, binanın müxtəlif hissələrində dərin çatlar əmələ gəlib. Pilləkənlər isə xüsusilə təhlükəlidir:
"İnsanlar qorxu içində hərəkət edir, qalxıb-enməkdə çətinlik çəkirlər.
Binanın ümumi vəziyyəti olduqca acınacaqlıdır.
Aidiyyəti qurumlardan problemi tez bir zamanda həll etmələrini xahiş edirik".
