Elm və Təhsil Nazirliyi yanında İctimai Şuranın üzvləri 2025/2026-cı tədris ilinin payız semestrinin imtahan sessiyasını müşahidə etmək məqsədilə Sumqayıt Dövlət Universitetində olublar. İmtahan prosesi yerində izlənilib, tələbələrlə söhbətlər aparılıb və sessiyanın normativ tələblərə uyğun, şəffaf və obyektiv təşkil edildiyi qeyd olunub.
Görüş zamanı SDU-nun rektoru v.i.e. Əminağa Sadıqov universitetdə imtahanların müvafiq qaydalara əsasən keçirildiyini, Apellyasiya Komissiyası və İmtahan Qərargahının fəaliyyət göstərdiyini bildirib. O, həmçinin SDU-da tələbə qəbulunun artdığını, universitetin ilk dəfə "QS Dünya Universitetləri Reytinqi"nə daxil olaraq 1001–1200 pilləsində yer aldığını və region universitetləri arasında seçildiyini vurğulayıb.
Qeyd edilib ki, SDU "Times Higher Education Impact Rankings" reytinqinə də daxil olub, bp və SOCAR-ın dəstəyi ilə yeni tədris proqramları və müasir laboratoriyalar yaradılıb. Görüşdə təhsilin keyfiyyətinin artırılması və əmək bazarına uyğun kadr hazırlığı ilə bağlı müzakirələr aparılıb.
